१९८५ साली मराठी उद्योजक श्री. डी. एस. कुलकर्णी यांची दुसरी इमारत म्हणून तुळशीबागवाले कॉलनी मध्ये बांधण्यात आलेली ही सोसायटी. सोसायटीत सर्वच रहिवासी मध्यमवर्गीय कुटुंबातील व वाडा संस्कृतीचा भाग असलेले होते आणि गेली ३८ वर्षे एकमेकांसोबत गुण्यागोविंदाने नांदत आहेत. तुळशीबागवाले कॉलनीमध्ये त्या काळी फारशा इमारती नव्हत्या, अगदीच तुरळक प्रमाणात दिसणार्‍या इमारतींचा भाग होताना ८० च्या दशकातील सुसज्ज सोयींनीयुक्त ही इमारत बांधून तयार होताना घरे घेणार्‍या सभासदांनी काही दिवसांतच बूकिंग केलेली ही इमारत. इमारत तयार झाली तेव्हा परिसरात अत्यल्प इमारतींत उठून दिसणारी ही इमारत…..

मोक्याची जागा, दैनंदिन जीवनात लागणार्‍या सर्व गोष्टींची हाकेच्या अंतरावर असलेली उपलब्धता, शाळा, कॉलेज, शैक्षणिक संकुले, क्रिडा संकुले हाकेच्या अंतरावर असूनही निसर्गरम्य शांत परिसरात ही इमारती वसलेली असून लवकरच स्वयं पुनर्विकासाच्या मार्गाने मार्गक्रमण करून मोठ्या आकारात लवकरच नावारूपास येईल अशी खात्री आहे.